Kosovë: Pesë viktima dhe 118 raste pozitive me COVID-19

Instituti Kombëtar i Shëndetësisë Publike në Kosovë ka njoftuar se kanë humbur jetën edhe pesë persona si pasojë e infektimit me COVID-19, duke e quar numrin e viktimave në 135.

Ndërsa nga 489 teste të kryera brenda 24 orëve, pozitivë me virusin SARSA-CoV-2 kanë rezultuar 118 raste, shkruan albinfo.ch.

Rastet pozitive janë nga: komuna Prishtinë 48 raste, komuna Ferizaj 11 raste, komuna Fushë Kosovë 9 raste, komuna Drenas 7 raste, komuna Pejë 7 raste, komuna Mitrovicë 6 raste, komuna Prizren 4 raste, komuna Gjilan 4 raste, komuna Gjakovë 3 raste, komuna Podujevë 3 raste, komuna Viti 3 raste, me nga 2 raste komunat: Kaçanik, Skenderaj dhe Vushtrri dhe me nga 1 rast komunat: Han i Elezit, Kamenicë, Klinë, Kllokot, Lipjan, Obiliq dhe Suharekë.

Numri total i rasteve pozitive ka shkuar në 5.735 raste nga 31.056 persona të dyshimtë në virusin SARS-CoV-2.

Gjatë 24 orëve të fundit janë shëruar 157 pacientë, derisa numri i përgjithshëm i të shëruarve deri më sot është gjithsej 2.968 raste, kurse numri i rasteve aktive mbetet 2.632.