Kosovë- Shqipëri, Memorandum për diasporën

Qeveria e Kosovës dhe ajo e Shqipërisë nënshkruan një memorandum bashkëpunimi për “Ditët e Kulturës Shqiptare në Diasporë” dhe për “Qendrave Kulturore në Diasporë”

Mbledhja e përbashkët e dy qeverive, Qeverisë së Kosovës dhe asaj të Shqipërisë me moton “Një tokë, një popull, një ëndërr”, nxori njëmbëdhjetë marrëveshje, në mesin e tyre edhe memorandumin e bashkëpunimi për “Ditët e Kulturës Shqiptare në Diasporë” dhe për “Qendrave Kulturore në Diasporë”.

Ky memorandum u nënshkrua nga ministrja e Kulturës së Republikës së Shqipërisë, Mirela Kumbaro, nga ministri i Kulturës, Rinisë dhe Sportit i Republikës së Kosovës, Kujtim Shala dhe nga ministri i Diasporës i Republikës së Kosovës, Valon Murati. Memorandumi, siç u tha, bëhet me dëshirën për të forcuar marrëdhëniet ndërmjet dy vendeve, me qëllim përçimin e vlerave të përbashkëta kulturore dhe historike në diasporë.

“Ky Memorandum synon nxitjen e bashkëpunimit ndërmjet Republikës së Shqipërisë  dhe Republikës së Kosovës  në programet “Ditët e Kulturës Shqiptare në Diasporë” dhe themelimit të përbashkët të “Qendrave Kulturore në Diasporë”’, thuhet në njoftimin e qeverisë kosovare.

Në nënshkrimin e marrëveshjes së kalendarit kulturor Shqipëri- Kosovë, më 20 shkurt 2015 në Prishtinë, ministri i Diasporës i Kosovës, Valon Murati, dhe ministria e Kulturës e Shqipërisë, Mirela Kumbaro, kanë folur, përveç për objektivat dhe detyrat që dalin nga Ligji i Diasporës, edhe për aktivitetet kulturore për diasporën.

Takimi i Prishtinës parapriu memorandumin e bashkëpunimit, i cili u nënshkruar sot në Tiranë, për të shfrytëzuar sa më mirë kapacitetet tona dhe për të organizuar aktivitete kulturore në diasporë.