Kosovës i munguan 3 vota për pranim në Unesco

Në votimin që u bë në konferencën e Unesco-s në selinë e kësaj organizate në Paris, Kosova dështoi të pranohej anëtare. Për këtë asaj i munguan vetëm 3 vota.

Për pranimin në Unesco votuan 92 shtete ndërsa nevojiteshin 95 për të plotësuar dy të tretat, sa kërkohej me procedurë. 50 shtete votian kundër dhe një numër abstenuan.

Para kësaj, Sefbia dhe Rusia kishin kërkuar të shtyhej votimi. Shumica e shteteve të pranishme kishin votuar kundër shtyrjes, që konsiderohej një e arritur për Kosovën. Por vetëm pak minuta më vonë, numri i pamjaftueshëm i votave e la Kosovën edhe më tutje jashtë Unesco-s.