Kotzias: Kemi rënë dakord me Dimitrov-in për emrin

“Sot ose ndoshta nesër, do të vazhdojë negocimi në nivel ekspertësh për çështjet teknike dhe ligjore, me të cilat duhet të përballemi

Athina dhe Shkupi duket se kanë arritur marrëveshje sa i përket çështjes së emrit. Ministri i Jashtëm grek, Nikos Kotzias, përmes një deklarate për media ka theksuar pas takimit me homologun e tij Dimitrov në Bruksel se dy krerët e diplomacisë kanë mbaruar misionin e tyre me atë çka kishin marrë përsipër nga dy kryeministrat.

“Sot ose ndoshta nesër, do të vazhdojë negocimi në nivel ekspertësh për çështjet teknike dhe ligjore, me të cilat duhet të përballemi.

Pasi të kenë përfunduar dhe pasi të zgjidhen çështjet teknike dhe ligjore, dokumentet e hartuara në nivelin e ministrave të jashtëm do t’u jepen dy kryeministrave, të cilët do të bisedojnë me njëri-tjetrin dhe do të formulojnë marrëveshjen përfundimtare”, ka deklaruar Nikos Kotzias. Sipas mediave, emri që janë pajtuar të dy palët është Maqedonia e Veriut.