KQZ i kërkon Listës Serbe zëvendësimin e anëtarëve të dorëhequr

Komisioni Qendror i Zgjedhjeve në Kosovë ka kërkuar nga Lista Serbe dhe Iniciativës Qytetare për Liri, Drejtësi dhe Mbijetesë (GI SPO), parti kjo që udhëhiqet nga ministri për Komunitete dhe Kthim, Nenad Rashiq, që t’i zëvendësojnë anëtarët e dorëhequr të Komisioneve Komunale Zgjedhore (KKZ).

Anëtarët e Listës Serbe më 7 dhe 8 prill kanë dorëzuar dorëheqjet e katër përfaqësues të subjektit politik Lista Serbe nga Komisionet Komunale të Zgjedhjeve për komunat Leposaviq, Zubin Potok, Zveçan dhe Mitrovicë e Veriut, dhe dorëheqjen nga përfaqësuesi i subjektit politik GI SPO nga komuna e Mitrovicës së Veriut, të cilët ishin emëruar më parë nga KQZ-ja për procesin e votimit për apo kundër largimit të kryetarëve nga funksioni i tyre në këto komuna.

Pas pranimit të këtyre dorëheqjeve, Sekretariati i KQZ-së u ka dërguar këtyre dy subjekteve politike kërkesën për zëvendësim e anëtarëve të dorëhequr nga Komisionet Komunale të Zgjedhjeve./Koha.net