KQZ: Mbi 46 % të votuesve dolën në zgjedhje

Në Kosovë ka përfunduar procesi i votimit për zgjedhjet e parakohshme parlamentare. Dalja në zgjedhje, sipas Komisionit Qendror të Zgjedhjeve ishte mbi 46 për qind.

Vendvotimet u hapën në orën 07:00 dhe u mbyllën në orën 19:00. Qytetarët që ishin brenda qendrave të votimit u lejuan që të votojnë edhe pas orës 19:00.

Të drejtë vote në zgjedhjet e parakohshme parlamentare të 14 shkurtit kishin 1.794.862 qytetarë.

Në 38 komunat e Kosovës, qytetarët patën mundësi të votojnë në 888 qendra të votimit, me 2.382 vendvotimet.