“Kemi marrë nga Ministria e Shëndetësisë një letër, ku i është drejtuar KQZ-së me listën e 30 lokacioneve, të cilat janë qendra të vaksinimit. MSH-ja ka kërkuar nga KQZ-ja që për organizimin e zgjedhjeve të gjenden lokacione të tjera, sepse në objektet sipas listës së MSH-së është jetik procesi i vaksinimit dhe imunizimit të popullsisë. Është investuar shumë për funksionalizimin e këtyre qendrave të vaksinimit”, ka thënë Ahmetaj gjatë mbledhjes së KQZ-së të hënën.

Ahmetaj po ashtu ka bërë të ditur se sa u përket vendvotimeve, deri më tani janë bërë 3,916 kërkesa për ndërrim të vendvotimit në tërë Kosovën, raportojnë mediat kosovare, përcjell albinfo.ch.

Zgjedhjet lokale do të zhvillohen më 17 tetor, në 36 komuna të Kosovës.