Kroacia në zonën Shengen më 2015

Ndërkohë Parlamenti i Kroacisë e ka ratifikuar sot hyrjen e këtij vendi në Bashkimin Evropian

Kroacia planifikon t’i bashkohet zonës Shengen, dy vjet pas anëtarësimit në Bashkimin Evropian, datë kjo e caktuar më 1 korrik 2013, ka deklaruar në Bruksel, Ministri i Brendshëm kroat, Ranko Ostojiç.

Kroacia deri në fund të këtij viti në kufijtë e saj, të cilët së shpejti do të bëhen kufijtë e jashtëm të BE-së do të angazhojë 450 policisë kufitar, dhe po ashtu duhet t’i kompletojë me pajisje policinë edhe në vendkalimet kufitare.

Kroacia nga 1 korriku 2013, kur hyn në BE, do të ketë të drejtë për 120 milionë euro për blerjen e helikopterëve për mbikëqyrjen e jashtme të kufijve të BE-së.

Ostojiç tha thënë se paratë do të bëjë përpjekje t’i marrë me herët duke marrë parasysh se duhet kohë për operacionalizimin të plotë të helikopterëve.

Kufiri Shengen i Kroacisë do të duhet të ketë dy oficerë në një kilometër, ndërsa sot nuk ka të angazhuar nga një polic në dy kilometra.

Ndërkohë Parlamenti i Kroacisë e ka ratifikuar sot hyrjen e këtij vendi në Bashkimin Evropian.

“20 vite prej pavarësisë ka ardhur koha që të bashkohemi”, tha kryeministri Zoran Millanoviq, duke e paraqitur para deputetëve marrëveshjen për anëtarësim në BE.

Të gjithë 136 deputetët e pranishëm e mbështetën marrëvshjen, e cila ishte nënshkruar në dhjetor të vitit të kaluar në Bruksel. Parlamenti i Kroacisë i ka 151 deputetë.

Në muajin janar, u mbajt referendumi për këtë çështje, në të cilin, poashtu, afro 66% e kroatëve e  mbështetën hyrjen e Kroacisë në BE.