Kroatët pyesin se si mund të jenë më të varfër se bullgarët

Kroacia mbetet prapa në raport me vendet e tjera të BE-së, e për kroatët është e çuditshme se ata janë më të varfër se bullgarët, shkruan albinfo.ch.

Vetëm Bullgaria është më e keq se Kroacia sipas standardit dhe prodhimit të brendshëm bruto për kokë banori nga të gjitha shtetet anëtare të BE-së. Edhe pse Bullgaria është ekonomikisht e pazhvilluar, ekziston një mundësi serioze për të kapërcyer Kroacinë, sepse ekonomia bullgare në tetë vjetët e fundit ka parë ritme më të larta rritjeje dhe ka reduktuar përparësinë e Kroacisë.

Pra, Kroacia mund të bjerë në vendin e fundit të grupit të dhjetë vendeve të Evropës Lindore, Qendrore, e cila kaloi në ekonominë e tregut, të tilla si Rumania, Bullgaria, Sllovakia, Sllovenia, Republika Çeke, Polonia, Lituania, Letonia, Estonia dhe Hungaria, shkruajnë mediat kroate, përcjell albinfo.ch.

Nga këto vende, tetë kanë një standard më të lartë se Kroacia dhe Rumania është përafërsisht e njëjtë. Këtë vit, sipas parashikimeve të Komisionit Evropian për rritjen, Kroacia do të ketë rritjen më të vogël ekonomike prej 2.8% dhe vitin e ardhshëm 2.6%. Rritjen më e lartë në të njëjtën periudhë do ta arrijë Rumania me 4.4%, d.m.th. nga 4.1%, ndërsa Bullgaria do të ketë një rritje të PBB-së prej 3.8% dhe 3.6%, respektivisht. Këto të dhëna analizohen nga Departamenti për Analiza Makroekonomike të Dhomës Kroate të Tregtisë.