Kryemadhi paralajmëron koalicion me PD-në për zgjedhjet lokale

Kryetarja e LSI-së, Monika Kryemadhi, ka paralajmëruar se opozita në Shqipëri është afër një marrëveshjeje për të konkurruar e bashkuar në zgjedhjet lokale të vitit të ardhshëm.

“Ne aktualisht kemi unifikuar grupin parlamentar për agjendën për ligje të caktuara, por parimet tona nuk do t’i cenojmë. Për zgjedhjet lokale mund të them që protesta e ditës së enjte u dha një shans strukturave në bazë për t’u njohur dhe dakorduar, pasi patën një fillim pozitiv, organizativ, ditën e enjte”, ka thënë Kryemadhi në emisionin “5 pyetje” nga Babaramo, përcjell albinfo.ch.

Kryemadhi ka folur edhe për Kodin Zgjedhor, duke thënë se dëshiron një sistem proporcional kombëtar me lista të hapura.