Kryemadhi: Të shpallet gjendja e jashtëzakonshme

Keystone (AP Photo/Hektor Pustina)

Kryetarja e Lëvizjes Socialiste për Integrim, Monika Kryemadhi, ka kërkuar që të shpallet gjendje e jashtëzakonshme për situatën e krijuar nga përmbytjet në Shqipëri, transmeton albinfo.ch.

Kryemadhi, nëpërmjet një postimi në Facebook, ka thënë se qeveria shqiptare duhet të mobilizojë fonde financiare, ndihma ushqimore dhe logjistikën e duhur që situata të kalohet.

“Koha nuk pret! Çdo hezitim mund të sjellë pasoja të pakthyeshme në shëndetin e njerëzve, në banesat e tyre, në mijëra biznese që dëmtohen, prandaj duhet vepruar me shpejtësi!”, ka shkruar Kryemadhi.