Kryeministri i Shqipërisë: ‘Kuvendi reagon kur presidenti çmendet’

Një ditë para se Kuvendi i Shqipërisë të debatojë për mundësinë e shkarkimit të Presidentit, kryeministri Edi Rama ka thënë se akti i presidentit Ilir Meta është një akt i panjohur në historinë e qeverisjes së botës.
Rama u shpreh se Parlamenti ka për detyrë të reagojë në emër të sovranit kur, siç tha ai, “Presidneti çmendet”, ndërsa theksoi se Meta e ka humbur të drejtën të qëndrojë në zyrën e Presidentit të Republikës, transmeton albinfo.ch.
“Ilir Meta ka kryer një akt të panjohur në historinë e qeverisjes së botës. Firmos dhe çfirmos. Sikur bota të hynte në logjikën e Ilir Metës, që firma e çdo autoriteti të ishte e mundur të zhbëhej, nuk do të kishte më shtet, rregull, drejtim, por gjithë bota do bëhej rrumpallë e madhe”, ka thënë ai.