Kryeministri izraelit: Bota duhet të bashkohet për ta mposhtur Hamasin

Foto Twitter: @netanyahu

Kryeministri izraelit, Benjamin Netanyahu, është shprehur se shteti i Izraelit është i bashkuar në qëllimin e tij për fitore, ndërsa konfirmoi se do të ketë një hetim për dështimet e inteligjencës dhe sigurisë që e kishin lejuar Hamasin të kryente sulmin e 7 tetorit, shkruan The Guardian.

Netanyahu i ka bërë thirrje botës të bashkohet dhe të luftojë Hamasin.

“Ka shumë pyetje rreth fatkeqësisë që na ndodhi 10 ditë më parë. Ne do ta shqyrtojmë çdo aspekt tërësisht. Kombi është i bashkuar drejt një qëllimi, fitores. Ne do të triumfojmë, sepse ka të bëjë me vetë ekzistencën tonë në këtë rajon, i cili është i mbushur me forca të errëta. Hamasi është pjesë e boshtit të keq të Iranit dhe Hezbollahut. Ata synojnë ta zhytin Lindjen e Mesme në një humnerë kaosi”, ka thënë ai, përcjell albinfo.ch.

Ndër të tjera, ai ka thënë se bota po e kupton tani se me kë përballet Izraeli.

“Ata e kuptojnë se Hamasi përfaqëson një version të ri të nazizmit. Ashtu si bota u bashkua për t’i mposhtur nazistët dhe ISIS-in, ashtu duhet të bashkohet për ta mposhtur Hamasin”, ka shtuar tutje ai.