Kryeministri slloven jep dorëheqje

Kryeministri i Sllovenisë, Miro Cerar, ka dhënë dorëheqje, pasi Gjykata e Lartë hodhi poshtë referendumin e vitit të kaluar për një projekt të rëndësishëm hekurudhor dhe urdhëroi votim të ri. Cerar tha se dorëheqjen ia ka dërguar Parlamentit, përcjell albinfo.ch.

Cerar do të informojë sot edhe presidentin e vendit, Borut Pahor për këtë vendim.

Të mërkurën, Gjykata e Lartë e Sllovenisë ka konstatuar se mbështetja e qeverisë për projektin, gjatë fushatës për referendum, ka qenë e njëanshme dhe mund të ketë ndikuar në rezultatin e votimit.

Referendumi i mbajtur shtatorin e kaluar ka mbështetur planin e qeverisë për të ndërtuar 27 kilometra shtesë të hekurudhës nga porti i Koperit deri te një qendër pranë kufirit me Italinë.