Kryeministri spanjoll kërkon zgjatjen e gjendjes së jashtëzakonshme deri më 21 qershor

Keystone

Kryeministri i Spanjës, Pedro Sanchez, tha se do të kërkojë nga Parlamenti që të miratojë dy javë shtesë të gjendjes së jashtëzakonshme.

Sanchez tha se shtyrja e masave deri më 21 qershor do të ishte e fundit, për shkak të rënies së dukshme të rasteve me koronavirus.

Numri i viktimave të raportuara në Spanjë të shtunën është vetëm 4, një rënie drastike e shifrave. Numri total i viktimave është 27,125, ndërkaq i rasteve të infektuara 239,228.

Spanja, një nga shtetet më të prekura me koronavirus, ka shpallur gjendje të jashtëzakonshme më 14 mars, përcjell Albinfo.ch.