Shërbimi për informim i Komunës së Haraçinës ka njoftuar se kryetarja Milikije Halimi ka pësuar aksident trafiku në Kosovë.
“Mbrëmë në një udhëtim familjar, kryetarja e Komunës së Haraçinës ka pësuar aksident në kryeqytetin e Kosovës, Prishtinë. Nga aksidenti lëndime kanë marrë vajza e kryetares, e cila është jashtë rrezikut për jetë, si dhe vetë kryetarja e cila ka marrë lëndime më të lehta”, thuhet në njoftimin e komunës, përcjell albinfo.ch.
Nga komuna kanë publikuar edhe fotografi nga aksidenti, ku shihet se vetura e kryetares Halimi është shkatërruar.
