Kthehen kolonat në kufi, pritjet deri 12 orë

Në pikëkalimin e Merdares bashkatdhetarët po presin deri 12 orë në kufij, ndërsa te Dheu i Bardhë, pritjet janë 5-6 orë

Në pikëkalimet kufitare ndërmjet Kosovës dhe Serbisë, në Merdar dhe te Dheu i Bardhë, janë kthyer kolonat e gjata, gjatë ardhjes së bashkatdhetarëve në pushime. Në pikëkalimin e Merdares bashkatdhetarët po presin deri 12 orë në kufij, ndërsa te Dheu i Bardh, pritje janë 5-6 orë.

Siç raportin Iundeksonline mërgimtarët kolona në anën e Serbisë në Merdar kanë arritur deri në 35 kilometra. Ndërsa Shumica e udhëtarëve ankohen në procedurat burokratike për dokumentacion që kërkohet nga doganierët.

Në anën tjetër, zëdhënësi i Policisë së Kosovës, Baki Kelani thotë se në orët e pasdites, pritjet janë zvogëluar deri në katër orë.

Te Dheu i Bardhë, po ashtu pritjet janë të gata. Burime të Albinfo.Ch thonë se pritjet gjatë ditës kanë qenë deri në fshatin Konçul. Madje gjatë ditës së diel shumë bashkatdhetarë kanë zgjedhur pikëkalimin alternativ në Dobrosin, por nga mesdita policia kufitare e Serbisë i ka kthyer të gjithë bashkatdhetarët mbara, duke i detyruar të kthehen në Konçul.