Kthehet edhe një grup emigrantësh

Janë kthyer në Kosovë shtatë emigrantë që kishin kërkuar azil në Belgjikë. Ata deri në Prishtinë i ka shoqëruar policia belge

Shtatë emigrantë kosovarë nga Belgjika, janë kthyer të enjten në Aeroportin “Adem Jashari” në Prishtinë, duke çuar në 90 numrin e të kthyerve brenda dy ditëve të fundit. Me kthimin e këtyre emigrantëve, autoritetet në Bashkimin Evropian tregojnë përkushtimin e tyre për kthimin e të gjithë azilkërkueseve kosovarë nga BE-ja.

Zëdhënësja e Ministrisë së Punëve të Brendshme, Rroksana Qarri, ka konfirmuar për TCH kthimin e emigrantëve nga Brukseli, ndërsa ka paralajmëruar vazhdimin e kthimit të kosovarëve, që janë larguar ilegalisht nga vendi. Emigrantët janë shoqëruar deri në Aeroportin e Prishtinës nga policë civilë të Belgjikës.

Qarri tha se aktualisht e kanë të konfirmuar një avion tjetër, që do të sjellë emigrantë më 11 mars, ndërsa për udhëtimet e tjera tha se janë në pritje të konfirmimit nga shtetet përkatëse.

Ndryshe, derisa po ndodh kthimi gradual i emigrantëve, numri i kosovarëve që po largohen nga Kosova tanimë ka rënë dukshëm.

Një ditë më parë u riatdhesua grupi i parë prej 83 kosovarëve që kishin kërkuar azil në Gjermani, Hungari dhe Austri. Sipas zyrtarëve të MPB-së në Prishtinë, nga procesi i riatdhesimit dhe riintegrimit përfitojnë vetëm ata azilkërkues që kanë ikur nga Kosova para vitit 2010,