“Kur të kthehet ushtria në Kosovë”, grafiti i ri kërcënues në Beograd

Twitter, Balkan Gonzo

Në disa lokacione në kryeqytetin e Serbisë janë shfaqur grafitë të rinj me mbishkrimin “Kur të kthehet ushtria në Kosovë”.

Kryeministri i Kosovës, Albin Kurti, e ka vlerësuar këtë veprim në ndeshje si thirrje për dhunë, ndërsa ka munguar reagimi i Beogradit zyrtar, shkruan Radio Evropa e Lirë.

Një qytetar serb nga Beogradi i tha Radios Evropa e Lirë se ishte një mesazh i shëmtuar dhe se në ato fasada mund të vizatohej diçka shumë më e mirë.

“Nxitja, kujton disa prej gjërave negative”, tha ai, përcjell albinfo.ch.

Milica Jovanoviq, banore e Beogradit, tha për Radion Evropa e Lirë se ajo i percepton këto mbishkrime si shpërfytyrime të qytetit. “Mendoj se mesazhi nuk përkon me atë që është ky qytet, një qytet i mbushur me turistë të huaj, nëse do të kthehemi me ushtri apo jo, nuk është diçka me të cilën duhet të merremi në rrugë”, tha ajo për REL.

Një qytetar i Beogradit, i cili është prezantuar si Miodrag, i tha Radios Evropa e Lirë se i kupton ata që shkruajnë mesazhe të tilla, por se nuk do t’i shkruante vetë.

“Ka nga ata që e përdorin për t’i ngatërruar njerëzit, mendoj se e bëjnë të rinjtë. Dikush e fut si temë, nuk mendoj se ata që e shkruajnë, janë nga ata që lexojnë dhe shumë të arsimuar”, tha ai, përcjell albinfo.ch.