Kurti dhe Gërvalla japin detaje për gjendjen shëndetësore të policëve të rrëmbyer

FB: Albin Kurti

Kryeministri i Kosovës, Albin Kurti dhe ministrja e Punëve të Jashtme dhe Diasporës, Donika Gërvalla, në një konferencë për media kanë bërë të ditur detaje pas vizitës te policët që u rrëmbyen nga njësitet speciale të policisë së Serbisë.

“Rrëfimi i policëve, të tre kanë qenë bashkë duke ngrënë bukë kur janë rrethuar nga 15 persona. Kjo heqë cdo dilemë edhe për ata që duan të jenë skeptikë. Për të drejtën e Kosovës, se Serbia ka kryer agresion. Tryeza e improvizuar ndodhet shtatë metra largë veturës. Gjithësesi në brendi të territorit”, ka deklaruar Kurti.

Ndërkohë, ministrja Gërvalla ka treguar edhe për gjendjen e tyre shëndetësore.

“Donika Gërvalla Schwarz

Vizita është realizuar në qendrën e paraburgimit në Kralevë, ku ata po mbahen nën akuzën për armëmbajtje pa leje. Takimet janë mbajtur të ndara nga 15 minuta secili. Ata kanë shpjeguar rastin dhe kanë theksuar. Më 14 qershor 2023 rreth orës 12:30, duke ngrënë drekën janë rrethuar nga rreth 15 persona që i kanë sulmuar e carmatosur e me thes në  kokë i kanë dërguar në veturat e tyre. Disa prej pjesëtarëve të policisë serbe kanë shkrepur me armë në ajër”, ka treguar Gërvalla, përcjell albinfo.ch.

Tutje ajo thotë se fillimisht policët janë dërguar në Rashkë, pastaj në Beograd dhe më 16 qershor janë dërguar në Kralevë.