Kurti: E kemi mbështetjen e ndërkombëtarëve dhe mirë po shkon puna

Zyra e kryeministrit

Kryeministri i Kosovës, Albin Kurti ka reaguar për herë të parë ka folur për reagimet e bashkësisë ndërkombëtare për zhvillimet e fundit në veri.

Ai ka thënë që e ka mbështetjen e ndërkombëtarëve në këtë aspekt.

“Sa i përket ditës së djeshme ajo çfarë është e rëndësishme të theksohet është që krejt çka kemi synuar ne si Qeveri dhe institucione të Republikës është të mundësojmë që kryetarët e komunave të zgjedhur në zgjedhje demokratike të kenë qasje dhe të punojnë në zyrat e tyre, ku duhet t’i shërbejnë të gjithë qytetarëve pa dallim feje, etnie e prejardhje. Dhe besoj që për këtë do ta kemi mbështetjen e të gjithë faktorëve ndërkombëtarë…E kemi mbështetjen e ndërkombëtarëve dhe mirë po shkon puna”, është shprehur ai për RTV Dukagjinin, përcjellë albinfo.ch.