Kurti e Maqedonci takojnë komandantin e KFOR-it, flasin për sigurinë në Kosovë dhe dialogun

NATO Kosovo Force - KFOR, FB

Komandanti i misionit të KFOR-it të udhëhequr nga NATO, gjeneralmajor Özkan Ulutaş, u takua sot me kryeministrin e Kosovës, Albin Kurtin dhe ministrin e Mbrojtjes, Ejup Maqedonci, në Shtabin e KFOR-it, në Camp Film City, në Prishtinë.

“Komandanti i KFOR-it nënvizoi se koordinimi dhe bashkëpunimi i vazhdueshëm ndërmjet KFOR-it dhe institucioneve në Kosovë dhe organizatave të sigurisë së Kosovës janë çelësi për sigurinë e qëndrueshme, për të mirën e të gjitha komuniteteve që jetojnë në Kosovë, dhe ripohoi përkushtimin e palëkundur të KFOR-it për të luajtur rolin e tij në këtë efekt. Ai gjithashtu përsëriti mbështetjen e sigurisë së KFOR-it për dialogun e lehtësuar nga BE-ja ndërmjet Beogradit dhe Prishtinës”, u tha në njoftimin e KFOR-it.