Kurti e Osmani, në Forumin e Paqes më 10 e 11 nëntor

A do të ketë takim me Macron-in në Paris?

Presidentja e Kosovës, Vjosa Osmani dhe kryeministri Albin Kurti do të jenë në Paris më 10 dhe 11 nëntor, përcjell albinfo.ch.

Sipas burimeve nga mediat e Kosovës, Osmani dhe Kurti do të marrin pjesë në “Paris Peace Forum”, ngjarje që është zhvilluar edhe vitin e kaluar.

Në këtë ngjarje Osmani dhe Kurti ishin takuar vitin e kaluar me presidentin francez, Emmanuel Macron, ku tema kryesore kishte qenë dialogu me Serbinë.

Sipas burimeve, ka shumë mundësi që një takim i krerëve të shtetit me Macronin të përsëritet.

Presidenti francez gjatë këtij muaji ka qenë në Tiranë, në kuadër të Procesit të Berlinit, ku nuk pati fjalë të mira për Kosovën.

Sipas tij, “krerët e shtetit kosovar nuk e kanë mbajtur fjalën”, duke shtuar si mbi atë fjalë të dhënë ”Franca ishte pajtuar për liberalizimin e vizave për Kosovën”.

 

 

---