Kurti e Vuçiq, javën tjetër në Zvicër

Kurti e Vuçiqi në Forumin Ekonomik Botëror, Rohde i lumtur për pjesëmarrjen e tyre

Sot, ambasadori i Gjermanisë në Kosovës, Jorn Rohde, ka bërë të ditur se kryeministri Albin Kurti dhe presidenti i Serbisë, Aleksandar Vuçiq, do të jenë pjesë e Forumit Ekonomik Botëror në Davos, në Zvicër, përcjell albinfo.ch.

“Forumi Ekonomik Botëror në Davosit do të nisë javën tjetër. Nga të gjitha temat relevante, “Arritja e sigurisë dhe bashkëpunimit në një botë të ndarë”, në veçanti reflekton për Kosovën, dialogun Kosovë – Serbi dhe gjithë rajonin e Ballkanit Perëndimor. I kënaqur që shoh se Albin Kurti dhe Aleksandar Vuçiq do të jenë prezentë”, ka shkruar Rohde në X.

Forumi në Davos do të mbahet nga 15-19 janar.

KOHA ka kërkuar përgjigje nga Qeveria e Kosovës nëse në kuadër të këtij Forumi do të zhvillohet ndonjë takim në mes të Kurtit e Vuçiqit dhe posa të marrë një përgjigje, teksti do të përditësohet.

---