Kurti e Vuçiq takohen me 2 maj

Zyra e Kryeministrit të Kosovës ka bërë të ditur që takimi i kryeministrit Albin Kurti me Presidentin e Serbisë, Aleksandar Vuçiq do të mbahet me 2 maj në Bruksel. “Takimi i radhës i nivelit të lartë në procesin e dialogut është i planifikuar të mbahet në Bruksel, më datë 2 maj”, thuhet në njoftimin e zyrës së shefit të ekzekutivit të Kosovës, përcjellë albinfo.ch.

Tema të diskutimit pritet të jenë çështjet që kanë të bëjnë me Marrëveshjen për normalizim të marrëdhënieve dhe aneksin e zbatimit të saj.

Kurti dhe Vuçiq u takuan për herë të fundit më 18 mars në Ohër me ndërmjetësim të Bashkimit Evropian ku edhe arritën Marrëveshjen për normalizim të marrëdhënieve dhe aneksin e zbatimit të saj, përcjellë albinfo.ch.