Kurti i propozon Serbisë marrëveshje të paqes, Vuçiq e refuzon

Presidenti serb Aleksandër Vuçiq refuzoi propozimin e Kurtit ende pa e lexuar

Kryeministri i Kosovës, Albin Kurti, pas takimit me presidentin e Serbisë, Aleksandar Vuçiç, në Bruksel, përmes një konference për media ka treguar se çka diskutoi atje.

Ai bëri të ditur se ka propozuar një marrëveshje me 6 pika, por që kjo marrëveshje, të cilën ai e quajti të paqes, u refuzua nga Vuçiq ende pa u lexuar, raporton Albinfo.ch.

“Unë sot propozova fillimisht një marrëveshje të shkruar me gjashtë nene, si një deklaratë e paqes në mes të Kosovës dhe Serbisë. Atë që kisha kërkuar herën e kaluar, që të kemi një deklaratë të paqes, e kam përgatitur në mënyrë të balancuar me një tekst me 6 nene, por u refuzua ende pa u lexuar”.

“Serbia si shtet ka ardhur në mesin e popullsisë shqiptare me gjenocid dhe ka ikur me gjenocid. Mosnjohja e së kaluarës së saj kriminale dhe mosnjohja e pavarësisë së Kosovës janë të lidhura ngusht. Ne vazhdojmë të jemi të përkushtuar për paqe dhe drejtësi, për siguri dhe stabilitet, për demokraci dhe progres. Do të jemi të gatshëm për takime e biseda konstruktive, dhe për dallim nga fqinji ynë verior, nuk kemi dilema sa u përket integrimeve evropiane dhe euro-atlantike”, shkruan kryrministri Kurti në Facebook.

 

---