Kurti mbledh kabinetin qeveritar dhe kryetarët e komunave

Zyra e kryeministrit

Kryeministri i Kosovës, Albin Kurti, po mban takim me të gjithë ministrat e kabinetit të tij qeveritar dhe me kryetarët e komunave.

Takimi ka filluar në orën 10:00 dhe, sipas njoftimit nga Zyra e Kryeministrit, ky është një takim koordinues.

“Me qëllim të bashkëpunimit dhe koordinimit ndërinstitucional mes Qeverisë dhe Pushtetit Lokal kemi nderin t’ ju ftojmë në takimin e përbashkët me SH.T.Z. Kryeministrin e Republikës së Kosovës, z. Albin Kurti, Ministrin e Administrimit të Pushtetit Lokal, z. Elbert Krasniqi, Ministrin e Financave, Punës dhe Transfereve, z. Hekuran Murati, Ministrin e Bujqësisë, Pylltarisë dhe Zhvillimit Rural z. Faton Peci dhe Zëvendës Ministrin e Punëve të Brendshme z. Bardhyl Dobra, me ç’rast do të diskutohen temat me interes për nivelin lokal të cilat janë prezantuar nga Kryetari i AKK-së si dhe iniciativat e Qeverisë së Republikës së Kosovës”, sqaron njoftimi, përcjell albinfo.ch.