Kurti në përkrahje të kombëtares shqiptare, bashkë me djalin e Adem Jasharit

Kryeministri i Kosovës, Albin Kurti, ka udhëtuar për në Tiranë për ta përkrahur kombëtaren e Shqipërisë në ndeshjen që luhet sonte. Kurti ka zgjedhur që atje të shkojë bashkë me djalin e komandantit legjendar, Adem Jashari, Lulzim Jashari.

Për këtë, Kurti ka njoftuar në Facebook, duke inkurajuar futbollistët shqiptarë në rrugëtimin drejt “Euro 2024”, raporton Albinfo.ch.

“Bashkë me Lulzim Jasharin rrugës për Tiranë, në përkrahje të Shqipërisë. Forca djema. Evropiani po na pret”, ka shkruar Kurti në Facebook, karshi fotografisë me Lulzim Jasharin.

Shqipëria përballet sonte me Çekinë, në “Air Albania”, në një sfidë që mund ta afrojë edhe më shumë përfaqësuesen kuqezi me finalet e “Euro 2024”./Albinfo.ch