Kusari-Lila: Kosova rrezikon të humbë edhe 75 milionë euro

“Kosova rrezikon të humbasë edhe 75 milionë euro të fondit IPA, të cilat si parakusht kryesor e kanë marrëveshjen me FMN-në"

Kriza politike në të cilën është futur Kosova pas zgjedhjeve të parakohshme parlamentare po ndikon negativisht në shumë segmente. Për këtë arsye deputetja e koalicionit LAA, Mimoza Kusari-Lila në tryezën e organizuar nga LDK-ja për të gjetur zgjidhjen e kësaj krize ka thënë se koalicionin fitues i zgjedhjeve të 11 qershorit PAN ka thyer të gjitha premtimet për zhvillimin ekonomik.

“Kosova rrezikon të humbasë edhe 75 milionë euro të fondit IPA, të cilat si parakusht kryesor e kanë marrëveshjen me FMN-në. Kjo krizë e shkaktuar sot nga PAN, po i troket dhe do të vazhdojë t’i trokasë secilit qytetar të Kosovës në derë”, ka deklaruar Kusari-Lila.

Edhe deputetja tjetër e këtij koalicioni ish ministrja e Tregtisë, Hykmete Bajrami ka folur për rreziqet ekonomike që po ja shkakton kriza politike Kosovës.