Kuvendi i Shqipërisë përjashton 10 deputetë

Byroja vendosi që përjashtimi të nisë më 15 janar, me nisjen e sesionit të ri parlamentar. Për ta kundërshtuar vendimin para Kuvendit ka pasur një protestë nga të rinjtë e LSI-së

Byroja e Kuvendit të Shqipërisë ka vendosur pro kërkesës së PS-së për përjashtimin e 10 deputetëve të opozitës për 10 ditë nga punimet e Kuvendit. Pasi u dëgjuan të gjithë në seancën me dyer të mbyllura, Monika Kryemadhi, Endrit Braimllari të LSI-së dhe Ervin Salianji, Endri Hasa, Flamur Noka dhe Bardh Spahia të PD-së, u përjashtuan për 10 ditë.

Ndërsa Kejdi Mehmeti dhe deputeti i PS-së, Bujar Çela, janë përjashtuar për nga pesë ditë secili. Deputeti Çela ka kërkuar vetë përjashtimin, pas përfshirjes në incident me deputeten e LSI-së, Mehmetaj.

Byroja vendosi që përjashtimi të nisë më 15 janar, me nisjen e sesionit të ri parlamentar. Për ta kundërshtuar vendimin para Kuvendit ka pasur një protestë nga të rinjtë e LSI-së.