Lajçak flet për takimin me kryenegociatorët e Kosovës dhe Serbisë

FB: Miroslav Lajcak

Emisari i Bashkimit Evropian për dialogun Kosovë-Serbi, Miroslav Lajçak, ka shkruar për takimet që kishte me kryenegociatorët e Kosovës dhe Serbisë në kuadër të dialogut.

Ai u shpreh se pala kosovare dhe ajo serbe në kuadër të takimit diskutuan për zbatimin e Marrëveshjes për rrugën e normalizimit dhe çështjet urgjente aktuale, përcjellë albinfo.ch.

Tutje i dërguari i BE-së bëri të ditur se është takuar edhe me këshilltarin e Departamentit të Shtetit, Derek Chollet, të cilin e ka informuar mbi zhvillimet në Ballkanin Perëndimor dhe takimin e mundshëm mes Kryeministrit të Kosovës, Albin Kurtit dhe Presidentit të Serbisë, Aleksandar Vuçiq. “U takova gjithashtu me Këshilltarin e Departamentit të Shtetit Derek Chollet. Ishte mirë të flitej për zhvillimet e fundit në Ballkanin Perëndimor. Unë gjithashtu e informova atë për takimin e dialogut dhe të kryenegociatorëve. Ne ramë dakord për nevojën e zbatimit të menjëhershëm në mirëbesim. Unë jam shumë mirënjohës për partneritetin dhe koordinimin e fortë me Shtetet e Bashkuara kur bëhet fjalë për Dialogun”, ka shkruar ai, përcjellë albinfo.ch.