Lajçak i përgjigjet Kurtit: Kur nuk të pëlqen mesazhi, sulmon lajmëtarin

I dërguari special i Bashkimit Evropian për dialogun Kosovë-Serbi, Miroslav Lajçak, gjatë fjalës së tij në forumin 2BS në Mal të Zi tha se  sulmi i 24 shtatorit në Banjskë ka ndryshuar shumë gjëra.

Ai po ashtu i është përgjigjur edhe deklaratës së Kryeministrit të Kosovës, Albin Kurti, në akuzat e këtij të fundit se Lajçak po anon nga Serbia në dialog.

“Kur nuk të pëlqen mesazhi, tenton ta sulmosh lajmëtarin, kështu funksionon. Dialogu ka qenë këtu që nga viti 2011, ka pasur qeveri të ndryshme dhe ndërmjetës të ndryshëm, por dialogu është një ngjarje. Nuk ka të ardhme evropiane pa normalizimin e raporteve mes Kosovës dhe Serbisë dhe nuk ka normalizim pa dialog”, u shpreh Lajçak, përcjell albinfo.ch.

Sipas Lajçakut, BE-ja është më e gatshme për Ballkanin Perëndimor se që është Ballkani Perëndimor për BE-në, shkruan koha.net.