Lajçak: Marrëveshja e Ohrit, e detyrueshme

I dërguari i Bashkimit Evropian për dialogun Kosovë-Serbi, Mirosllav Lajçak, tha se marrëveshja mes Kosovës dhe Serbisë paraqet një pikë kthese në procesin e normalizimit të marrëdhënieve mes tyre.

Ai theksoi se të dyja palët duhet t’i zbatojnë të gjitha nenet e Marrëveshjes drejt normalizimit të marrëdhënieve, raporton Radio Evropa e Lirë, përcjell albinfo.ch.

Lajçak është shprehur se Kosova e ka obligim që menjëherë të fillojë me zbatimin e pjesës së Marrëveshjes që lidhet me formimin e Asociacionit të komunave me shumicë serbe në Kosovë. Tutje ai ka përmendur edhe Neni 4, i cili thotë se Serbia nuk do ta kundërshtojë anëtarësimin e Kosovës në asnjë organizatë ndërkombëtare, shkruan Radio Evropa e Lirë, përcjell albinfo.ch.

Por, Lajçak ka shtuar se udhëheqësit e dy vendeve nuk kanë mundur të bien dakord për secilën pikë dhe se presidenti serb ka refuzuar ta nënshkruajë dokumentin. Prandaj, propozimi ka ndryshuar. Mes tjerash ndërmjetësuesi ka paralajmëruar edhe një takim të kryenegociatorëve të Kosovës dhe Serbisë së shpejti, për të filluar, siç tha, punën për zbatimin e dispozitave të Marrëveshjes, raporton Radio Evropa e Lirë, përcjell albinfo.ch.