Lajçak takon presidenten Osmani

Emisari i Bashkimit Evropian për dialogun për Kosovë-Serbi, Miroslav Lajçak, po qëndron në Kosovë.

Të martën ka takuar presidenten e Kosovës, Vjosa Osmani, me të cilën kanë diskutuar për situatën në veri dhe masat ndëshkuese ndaj Kosovës.

Lajçak takon edhe kryeministrin e Kosovës, Albin Kurti, në përpjekje për të gjetur zgjidhje për të shtensionuar situatën në veri të Kosovës.

Kërkesë e Bashkimit Evropian është largimi i policisë nga hapësirat e objekteve komunale, kryetarët të punojnë në ndërtesa alternative dhe zgjedhje të menjëhershme në katër komunat veriore me pjesëmarrjen e serbëve, përcjell albinfo.ch.