Lajm i mirë për “motorin e Evropës”: Inflacioni po bie në Gjermani

KEYSTONE

Norma totale e inflacionit të Gjermanisë ka shënuar rënie për 3.2 për qind gjatë nëntorit nga 3.8 për qind sa ishte në tetor, në përputhje me vlerësimin e mëparshëm, konfirmoi Enti Federal i Statistikave të Gjermanisë – Destatis.

Inflacioni në Gjermani në nëntor ishte më i ulëti që nga qershori 2021. Norma e inflacionit ishte dobësuar për të pestin muaj radhazi, tha presidentja e Byrosë Federale të Statistikave, Ruth Brand.

Çmimet e ushqimeve në Gjermani u rritën me 5.5 për qind në nëntor, duke u ngadalësuar nga 6.1 për qind e tetorit, ndërsa çmimet e energjisë ranë 4.5 për qind në të njëjtën periudhë, sipas faqes së internetit të Destatis, një organizatë me seli në Wiesbaden.

Norma vjetore e inflacionit bazë në Gjermani ra nga 4.3 për qind në 3.8 për qind. Në bazë mujore, çmimet ranë me 0.4 për qind krahasuar me muajin tetor, përcjell albinfo.ch.