Lazarati, çifligu i drogës në Evropë

Brenda një vitit në Lazarat, prodhohen rreth 900 ton marijuanë, me të cilën furnizohen shumë qytetarë të Evropës

Në jug të Shqipërisë dhe shumë afër Gjirokastrës, është një çiflig prej 4 mijë banorësh i quajtur Lazarat. Ky fshat i njohur gjithandej Evropës, ka një të veçantë. Brenda një vitit në këtë katund, që është bërëve dhe komunë më vete, prodhohen rreth 900 ton marijuanë, me të cilën furnizohen shumë qytetarë të Evropës.

Ky lokalitet, i cili për dy dekada ka qenë i pazbuluar nga institucionet dhe mediet, vazhdon të mbetet enigmë e pazbërthyer. Megjithatë një ekip gazetarësh nga AFP, kishte bërë një reportazh nga “Kolumbia e Evropës”.

“Çdo mëngjes, mijëra gra, burra dhe fëmijë ngjiten në një rrugë të pjerrët drejt një fshati shqiptar, i zhytur pothuajse i tëri në një tym të bardhë, me shpresën për të marrë një punë sezonale”, kështu e nis AFP reportazhin e saj nga fshati i famshëm shqiptar, Lazarat.

Të rinjtë dhe të moshuarit, nga i gjithë vendi, siç shkruan, takohen pas lindjes së diellit në hyrje të këtij fshati, të ngritur në faqe të malit, ku kundërmon ajri i kanabisit. “Mirë se vini në Lazarat, çifligun famëkeq të prodhimit të kanabisit në Shqipërinë jugore”, shkruan më tej.

Duk iu referuar burimeve policore ndërkombëtare, kjo agjenci thotë se Shqipëria është bërë furnizuesi kryesor i Evropës me marihuana, shumica e saj vjen nga Lazarati, një fshat me 4000 banorë, por që me ndihmën e punëtorëve sezonale arrin të prodhojë rreth 900 ton marijuanë në vit.

Kjo kap një vlerë prej 6 miliardë dollarë, gati një e treta e ekonomisë shqiptare, thonë ekspertët.

Kanabisi është i paligjshëm në vendin Ballkanik, shkruan më tej AFP, por shumë thonë se policia nuk është në gjendje apo e gatshme të ndërhyjë  në Lazaratin pa ligje.

Ndryshe, Lazarati është një komunë me rreth 4 mijë banorë që shtrihet shumë afër Gjirokastrës, njëri nga vendet më të bukura në Shqipëri, që mbrohet edhe nga UNESCO. Që nga çrrënjosja e komunizmit, Lazarati ka mbetur një vend i pa shkelur nga autoritete, sepse ka shumë njerëz të armatosur që i mbrojnë prodhimet e tyre të jashtëligjshme.

Disa herë autoritetet në Tiranë kanë bërë përpjekje për të hyrë në këtë fshat, por janë pritur me plumba nga banorët. Megjithatë organet e rendit po mundohen t’i mbajnë nën kontroll korridoret prej nga kalon kanabisi. Dhe dy javë më par policia shqiptare sekuestroi 150 kille marshuan.