LDK kërkon përgjegjësi politike për audio-incizimet

Lidhja Demokratike e Kosovës, FB

Lidhja Demokratike e Kosovës po kërkon përgjegjësi politike pas publikimit të incizimeve të bisedës së shefes së Grupit Parlamentar të Lëvizjes Vetëvendosje, Mimoza Kusari-Lila dhe ish-deputetit të Listës Serbe, Sllavko Simiq, ku bëhet e ditur se Kusari-Lila ka biseduar edhe me Milan Radojiçiq, i kërkuar nga autoritetet e Kosovës.

“LDK kërkon përgjegjësi politike për skandalin e publikuar të përgjimeve, ku pushteti dhe eksponentë të lartë të tij kanë komunikuar me kriminel që janë në listën e zezë të SHBA-së dhe tendencat e tyre për ndërhyrje në procesin e drejtësisë si dhe përgjegjësi lidhur me arrestimet e njerëzve të pushtetit të dyshuar për korrupsion”, thuhet në reagim, përcjell albinfo.ch.

“Kosova duhet të kthehet në binarët e saj, prej ku pushteti populist e ka larguar, duke e futur vendin në sanksione për t’u zbrapsur pastaj në pikën që LDK ka insistuar në vazhdimësi”, vazhdon tutje reagimi.