Léman Express mund të shtrihet në Nantua të Francës

(KEYSTONE/Salvatore Di Nolfi)

Një studim fizibiliteti është nisur për të shqyrtuar mundësinë e shtrirjes së trenave Léman Express në Bellegarde dhe Nantua, në Francën fqinje.

Studimi po financohet nga 12 bashki franceze, transmeton albinfo.ch.

Treni do të përdorë linjën ekzistuese TGV që lidh Gjenevën me Parisin. Aktualisht ka vetëm 12 shërbime në ditë, duke lënë mjaft hapësirë për një shërbim tjetër.

Kjo do të nënkuptojë që disa stacione të papërdorura do të rihapen, ndërsa do të ndërtohen edhe të reja.

Shpresohet që trenat e rinj të fillojnë të funksionojnë deri në vitin 2035. I gjithë projekti do të financohet nga qeveria franceze.