Lëndohet një mërgimtar nga Zvicra në Sllupçan

37-vjeçari ka pësuar lëndime të rënda nga aksidenti i pësuar

Ministria e Punëve të Brendshme e Maqedonisë Veriore ka informuar se gjatë ditës së djeshme në hyrje të fshatit Sllupçan një motoçikletë ATV është aksidentuar duke dalë nga trajektorja e rrugës, si pasojë është lënduar 37-vjeçari nga Kumanova.

“Më 27 korrik 2019 rreth orës 15:30 në rrugën rajonale Kumanovë- fshati Bellanoc, në hyrje të Sllupçanit, katërcikli “Sestek” me targa të Zvicrës, që po drejtohej nga O.J.(37) nga fshati Llojan ka dalë nga karrexha”, ”-thonë nga MPB, transmeton Alsat.

O.J. ka marrë lëndime të rënda trupore, ndërsa është dërguar në Spitalin e Përgjithshëm në Kumanovë, përcjell albinfo.ch.

Ekipi nga policia e Kumanovës ka kryer inspektim, derisa rasti do të hetohet më tutje.

---