Lëvizjet diplomatike të Trumpit shqetësojnë Evropën, Macron thërret liderët evropianë në samit të jashtëzakonshëm

Keystone (Ludovic Marin/Pool Photo via AP)

Presidenti francez, Emmanuel Macron ka ftuar liderët evropianë në një samit të hënën në Paris, pasi lëvizjet e fundit diplomatike të Shteteve të Bashkuara të Amerikës në raport me Ukrainën, kanë shqetësuar vendet anëtare të Bashkimit Evropian.

Ministri i Jashtëm polak, Radoslaw Sikorski, e ka konfirmuar lajmin ndërsa kryeministri polak, Donald Tusk ka deklaruar se do të marrë pjesë në një takim të liderëve evropianë të hënën me ftesë të presidentit francez.

“Ne duhet të tregojmë forcën dhe unitetin tonë”, tha ministri i Jashtëm polak.