Ligjet më të ashpra rreth ndjekjes do të jenë në Zvicër

Ndjekja me obsesion, spiunimi dhe/ose ngacmimi i një personi do të rregullohet më rreptësisht me ligj në Zvicër në të ardhmen, vendosi Këshilli i Shteteve të hënën, duke miratuar draftin e mëparshëm të Këshillit Kombëtar për këtë qëllim, transmeton albinfo.ch.

Deputetët e miratuan këtë veprim sepse ndjekja mund ta “bëjë jetën ferr për viktimat,” thanë ata. “Në rastet më të rënda, viktima ndonjëherë çohet edhe në vetëvrasje.”

Megjithatë, masat ligjore në fuqi janë të pamjaftueshme për të ndëshkuar shkelësit dhe shumë situata të tilla nuk përshtaten në kuadrin ligjor ekzistues, sipas deputetëve.