LO në Tokio mund të anulohen, nëse pandemia vazhdon edhe vitin e ardhshëm

Kryetari i Komitetit Organizativ i Lojërave Olimpike në Tokio, Mori Yoshiro, njoftoi se Lojërat Olimpike në Tokio mund të anulohen në rast se pandemia e koronavirusit të ri (COVID-19) vazhdon të paraqesë kërcënim edhe vitin e ardhshëm.

Mori, duke folur për Nikkan Sports të Japonisë, bëri vlerësime rreth Lojërave Olimpike të prolonguara për vitin e ardhshëm për shkak të COVID-19.

Në pyetjen: “Në rast se vazhdon ndikimi i virusit edhe në vitin 2021, a do të shtyhen lojërat në vitin 2022?”, ai u përgjigj: “Jo, në një rast të tillë, anulohen”.

Ai rikujtoi se Lojërat Olimpike në të kaluarën janë shtyrë në kohë të luftërave dhe se COVID-19 është një armik i padukshëm. “Nëse virusi kontrollohet në mënyrë të suksesshme, verën e ardhshme i organizojmë lojërat”, tha ai.

Lojërat Olimpike 2020 në Tokio, të planifikuara për 24 korrik-9 gusht, ishin shtyrë për 23 korrik-8 gusht të vitit 2021 për shkak të pandemisë.

---