Lozanë: Zhvarroset princi i Jugosllavisë

Këtë mëngjes në varrezat e Bois-du-Vaux, princesha Elizabeth Karageorgevic, me dy fëmijët dhe nipin e saj ndoqën zhvarrimin e arkivolit të babait të tyre, princit Paul i Jugosllavisë, i cili kishte vdekur në vitin 1976.

“Ne duam të ndryshojmë historinë dhe që të dalë në shesh e vërteta në lidhje me babain tim”, shpjegoi me shumë emocione princesha Elizabeth e Jugosllavisë në Beograd, e cila bëri riatdhesimin e kufomave të tre anëtarëve të vdekur të familjes: babait, nënës dhe vëllait të saj. “Unë shpresoj që ata të gjejnë vendin e tyre, pas shumë viteve të mërgimit”, shton ajo.

Familja mbretërore u dëbua nga Serbia në vitin 1941 dhe gjeti strehim në Zvicër. Princi atëkohë u konsiderua si një tradhtar nga regjimi pronazist.