Lufta e Ukrainës mund të ngadalësojë rimëkëmbjen ekonomike të Zvicrës

(KEYSTONE/Karl Mathis)

Ekspertët në Sekretariatin Shtetëror për Çështjet Ekonomike (SECO) kanë ulur perspektivën ekonomike të Zvicrës, përcjell albinfo.ch.

Ndërsa në përgjithësi vendi do të vazhdojë në rrugën drejt rimëkëmbjes pas Covid gjatë gjithë vitit 2022, ritmi i tij do të jetë “disi më i ngadaltë” nga sa pritej.

SECO ka rishikuar parashikimin e rritjes për vitin 2022 në 2.8 për qind, kundrejt 3 për qind të parashikuar në dhjetor.

“Kështu ekonomia zvicerane do të vazhdojë rimëkëmbjen e saj pandemike tani për tani me rritje mbi mesataren e PBB-së, por me më pak vrull se në parashikimin e mëparshëm”, theksoi SECO.

“Ky skenar nuk supozon një rënie të konsiderueshme midis partnerëve kryesorë tregtarë dhe, në veçanti, asnjë mungesë të madhe të energjisë dhe lëndëve të para në Evropë”. /Albinfo.ch