“Luftë” mes kompanive për shitjen e maskave në Zvicër

Keystone

Në Zvicër, shitësit e kompanive Lidl dhe Aldi po përpiqen të tejkalojnë njëri-tjetrin me çmime të ulta që ata kërkojnë për maskat e fytyrës FFP2, të cilat besohet se ofrojnë më shumë mbrojtje sesa modelet konvencionale, transmeton albinfo.ch.

Aldi tha se do të shiste 50 copë për 29,90 franga dhe një paketë prej 10 për 7,99. Kjo i bën rreth 60 cent një copë.

Sidoqoftë, Lidl njoftoi menjëherë uljet e veta të çmimeve, duke ofruar maska për 59 cent, pavarësisht nga madhësia e paketimit.

Për krahasim, Migros, Coop dhe Denner shesin maska FFP2 mesatarisht për 89 cent.

Lidl dhe Aldi thanë se ata synojnë të mbajnë çmimet e maskave më të ulëta, për shkak të pandmeisë dhe krizës ekonomike. /Albinfo.ch