Lufthansa do të punësojë 20 mijë punëtorë të rinj

By Kiefer. from Frankfurt, Germany

Linja ajrore gjermane Lufthansa planifikon të punësojë 20 mijë punëtorë pas rimëkëmbjes së tregut të aviacionit nga pandemia e COVID-19, njoftoi kompania të hënën.

“Ne planifikojmë të krijojmë 20 mijë vende të reja pune në Evropë. Disa prej tyre janë punë krejtësisht të reja dhe disa prej tyre janë vende pune që kanë mbetur bosh gjatë pandemisë së koronavirusit,” njoftoi Lufthansa.

Kompania ajrore gjermane pushoi nga puna 30 mijë punonjës gjatë pandemisë Covid-19 dhe krizës së koronës. Gjatë pandemisë, Lufthansa mori ndihmë nga shteti, të cilën e ka kthyer plotësisht.

Në shtator të këtij viti, Lufthansa punësoi mbi 108 mijënjerëz në mbarë botën.