Luksemburgu lejon fluturimet brenda majit

Edhe shteti i Luksemburgut ka filluar me masa lehtësuese dhe ka paralajmëruar se do të lejojë fluturimet

Shtetet evropiane kanë filluar me masa lehtësuese, pas një bllokimi total, për shkak të pandemisë Covid-19.

Përveë masave lehtësuese brenda vendit, shumë shtete shumë shpejt do të lejojnë edhe fluturimet, shkruan albinfo.ch.

Edhe Luksemburgu ka njoftuar se, aeroporti i Luksemburgut do të rifillojë fluturimet më 29 maj.

Ato do të rifillojnë në fund të majit me fluturimet e “Luxair” për në Stokholm, Lisbonë, Porto, Hamburg dhe Monako.

Ndër masat e marra ekziston detyrimi për veshjen e maskës në terminal në zonat ku nuk është e mundur të mbahet një distancë minimale prej dy metrash.

Aeroporti i vendit ka rinovuar impiantin e ajrimit dhe ka instaluar gjithashtu mbrojtje fizike ndaluese, si për shembull dritaret me pleksiglas.

---