Macron njofton tërheqjen nga politika pas përfundimit të mandatit në 2027

Macron: Nuk do të merrem më me politikë pas vitit 2027

Presidenti i Francës, Emmanuel Macron, ka deklaruar se nuk do të vazhdojë më angazhimin politik pas përfundimit të mandatit të tij të dytë në vitin 2027, përcjell albinfo.ch.

Macron ka theksuar se pas largimit nga Pallati Elysee planifikon të tërhiqet plotësisht nga jeta politike, duke kujtuar se përfshirja e tij në politikë ka nisur relativisht vonë, vetëm pak kohë para kandidimit për president.

Ai ka folur gjithashtu për sfidat gjatë udhëheqjes së tij, duke përmendur nevojën për të ruajtur një balancë mes reformave të reja dhe arritjeve të deritanishme.

Deklarata e Macron vjen në një kohë kur Franca po përballet me debate të vazhdueshme politike dhe sociale, ndërsa vendi pritet të hyjë në një fazë të re politike pas vitit 2027./Albinfo.ch

---