Magic Pass zgjeron destinacionet: më shumë stacione në Zvicër dhe Europë

Abonimi i njohur për destinacionet turistike ofron tani më shumë se 100 stacione dimërore dhe 53 verore, duke mbërritur edhe në rajonet e Cyrihut, Gjenevës, Solothurnit dhe jashtë vendit

Abonimi i udhëtimeve Magic Pass, tashmë i popullarizuar në kantonet Valais dhe Vaud, po vazhdon zgjerimin strategjik duke përfshirë rajone të tjera në Zvicër dhe Europë, përcjell albinfo.ch.

Nga ky sezon, përdoruesit e Magic Pass mund të përfitojnë nga akses në destinacione si Cyrih, Solothurn, Gjenevë, Évian (Francë) dhe Domodossola (Itali), si dhe në stacione më të vogla si Klewenalp Stockhütte (Nidwalden), Sattel Hochstuckli (Schwyz), Hohe Winde (Solothurn), Valbirse (Bern) dhe Bernex (Francë).

Ky pas ofron tashmë akses në më shumë se 100 stacione dimërore dhe 53 verore, duke u bërë një zgjidhje e gjithanshme për adhuruesit e sporteve dimërore dhe pushimeve verore.

Çmimet mbeten të pandryshuara: 419 franga për vit për të rriturit dhe 282 franga për fëmijët, duke ofruar një opsion të përballueshëm për familjet dhe udhëtarët e rregullt./Albinfo.ch

---