Maqedoni, rrëzohet helikopteri, 4 të vdekur

Fatkeqësia ka ndodhur rreth orës 22:00 në periferi të Strumicës në Maqedoni. Helikopteri po transportonte pjesëtarë të policisë kufitare maqedonase

Një helikopter i policisë së Maqedonisë është rrëzuar mbrëmë në afërsi të një zone industrial në Strumicë, ndërsa sipas informatave nga Shkupi, mësohet se katër pjesëtarë të ekuipazhit kanë humbur jetën në këtë aksident. Helikopteri po transportonte pjesëtarë të policisë kufitare.

Fatkeqësia ka ndodhur rreth orës 22:00 në periferi të qytetit në zonën industrial të njohur si veriu, në qytetin e Strumicës, që shtrihet në pjesën lindore të vendit.

Dëshmitarët theksuan se helikopteri është përplasur me një antenë të Radios Maqedonase, që ishte me një gjatësi prej 140 metrave, raporton INA. Pas përplasjes, helikopteri ka përfunduar i copëtuar në disa pjesë në zonën përreth.